Полимер-модифициран битумен ПмБ претставува мешавина на природни или синтетички полимери и битумен. Во Европа најзастапен полимер кој се користи за изработка на ПмБ е термопластичниот полимер SBS. ПмБ се користи во асфалтни мешавини од кои се изработуваат коловозни конструкции како:

• Автопатишта и патишта со многу тешко сообраќајно отповарување
• Градски сообраќајници со интензивен сообраќај, автобуски постројки, раскрсници,
  површини пред семафори и сл.
• Аеродроми
• Завршни асфалт бетоски слоеви на мостови,

и се карактеризираат со:

• Извонредна еластичност
• Отпорност на негативните ефекти на екстремните ниски и високи температури
• Голема отпорност на појава на пластични деформации и пукнатини
• Висока адхезија со камениот агрегат
• Поголема отпорност на замор и стареење
• Зголемен век на траење
• Поекономични се (поради поголема трајности намалените трошоци за одржување)

БИМ а.д. Свети Николе произведува ПмБ според Европски стандард EN 14023, под комерцијално име ПОЛИБИМ

Денешниот модерен процес на производство на полимер-модифицирани битуменски ленти се основа на мешавини од битумен,полимер и филер, кои се импрегнираат во влошка која ја армира битуменската лента.

Во производството воглавно се користат два типа на полимер-битумени: SBS – битумен модифициран со еластомери и APP – битумен модифициран со пластомери. Во зависност од тоа со каков полимер се, лентите можат да бидат еластомерни (SBS) или пластомерни (APP), или комбинација еласто-пластомерни битуменски ленти.

Како влошка за појачување се користи најчесто полиестерски филц или стаклена ткаенина. Битуменските ленти кои служат за хидроизолација на мостови се произведуваат според европски стандард EN 14695.

Според EN стандардот БИМ а.д. произведува полимер-модифицирани битуменски ленти за хидроизолација на мостови под името БИКУТОП и БИМПЛАСТ МОСТ. БИКУТОП МОСТ е еластомерна, а БИМПЛАСТ МОСТ пластомерна битуменска лента. И двете се во варијанти со дебелина од 4 и 5 mm, и влошка од полиестерски филц или стаклена ткаенина.

Полимер-модифицирани битуменски маси се хомогени смеси од битумен и филер кој што е модифициран со еластомер SBS. Се вградуваат со топење по топла постапка, а се користат за залевање на асфалтни бетонски споеви, фуги, пукнатини, дилатации и сл.
Се карактеризираат со голема издржливост, еластичност и отпорност на стареење.
БИМ а.д. произведува полимер-модифицирани битуменски маси според EN 14188-1.

Градежен (патен) битумен е најпопуларниот вид врзно средство за асфалт-бетонски мешавини, наменети за поставување на коловозни површини со употреба на топла метода.
Освен што се применува за изработка на коловозни конструкции, исто така служи како суровинска база за индустриско производство на материјали за патиштата како што се битуменски емулзии и разреден битумен. Покрај ова, битуменот за патишта се применува и во индустриското производство на хидроизолациски материјали.
БИМ а.д. произведува градежен битумен според EN 12591.