БИМ а.д. од Св. Николе е формиран 1957 год. како фабрика за производство на битуменски хидроизолациски материјали. Од тогаш бележи континуиран развој, пред сe во производството на класични битуменски хидроизолациски ленти, класични битуменски маси, битуменски лакови и битуменска емулзија за патиштата.

Освен во Република Македонија, производите на БИМ се вградени и во објектите во Австрија, Албанија, Бугарија, Грција, Ирак, Либија, поранешна Југославија (Босна и Херцеговина, Србија, Хрватска), Полска, Романија, Русија, Украина, Чешка и други земји.

Асортиман од над 100 производи кои наоѓаат широка примена во градежништвото, како во нискоградбата, така и во високоградбата. Производство на висококвалитетни хидроизолациони ленти на база битумен, полимер модифициран битумен, битуменски маси, разредени битумени, оксидирани битумени, битуменски пасти и китови, битуменска емулзија, битуменска шиндра…